Sri Vishnu Shatanama Stotram Telugu Lyrics - శ్రీ విష్ణు శతనామస్తోత్రం

॥ శ్రీవిష్ణోః శతనామస్తోత్రమ్ ॥

శ్రీ గణేశాయ నమః ।
నారద ఉవాచ ।
ఓం వాసుదేవం హృషీకేశం వామనం జలశాయినమ్ ।
జనార్దనం హరి కృష్ణం శ్రీవక్షం గరుడధ్వజమ్ ॥ ౧ ॥

వారాహం పుణ్డరీకాక్షం నృసింహం నరకాన్తకమ్ ।
అవ్యక్తం శాశ్వతం విష్ణుమనన్తమజమవ్యయమ్ ॥ ౨ ॥

నారాయణం గదాధ్యక్షం గోవిన్దం కీర్తిభాజనమ్ ।
గోవర్ధనోద్ధరం దేవం భూధరం భువనేశ్వరమ్ ॥ ౩ ॥

వేత్తారం యజ్ఞపురుషం యజ్ఞేశం యజ్ఞవాహకమ్ ।
చక్రపాణిం గదాపాణిం శఙ్ఖపాణిం నరోత్తమమ్ ॥ ౪ ॥

వైకుణ్ఠం దుష్టదమనం భూగర్భం పీతవాససమ్ ।
త్రివిక్రమం త్రికాలజ్ఞం త్రిమూర్తిం నన్దికేశ్వరమ్ ॥ ౫ ॥

రామం రామం హయగ్రీవం భీమం రౌద్రం భవోద్భవమ్ ।
శ్రీపతిం శ్రీధరం శ్రీశం మఙ్గలం మఙ్గలాయుధమ్ ॥ ౬ ॥

దామోదరం దమోపేతం కేశవం కేశిసూదనమ్ ।
వరేణ్యం వరదం విష్ణుమానన్దం వసుదేవజమ్ ॥ ౭ ॥

హిరణ్యరేతసం దీప్తం పురాణం పురుషోత్తమమ్ ।
సకలం నిష్కలం శుద్ధం నిర్గుణం గుణశాశ్వతమ్ ॥ ౮ ॥

హిరణ్యతనుసఙ్కాశం సూర్యాయుతసమప్రభమ్ ।
మేఘశ్యామం చతుర్బాహుం కుశలం కమలేక్షణమ్ ॥ ౯ ॥

జ్యోతీరూపమరూపం చ స్వరూపం రూపసంస్థితమ్ ।
సర్వజ్ఞం సర్వరూపస్థం సర్వేశం సర్వతోముఖమ్ ॥ ౧౦ ॥

జ్ఞానం కూటస్థమచలం జ్ఞానదం పరమం ప్రభుమ్ ।
యోగీశం యోగనిష్ణాతం యోగినం యోగరూపిణమ్ ॥ ౧౧ ॥

ఈశ్వరం సర్వభూతానాం వన్దే భూతమయం ప్రభుమ్ ।
ఇతి నామశతం దివ్యం వైష్ణవం ఖలు పాపహమ్ ॥ ౧౨ ॥

వ్యాసేన కథితం పూర్వం సర్వపాపప్రణాశనమ్ ।
యః పఠేత్ప్రాతరుత్థాయ స భవేద్వైష్ణవో నరః ॥ ౧౩ ॥

సర్వపాపవిశుద్ధాత్మా విష్ణుసాయుజ్యమాప్నుయాత్ ।
చాన్ద్రాయణసహస్రాణి కన్యాదానశతాని చ ॥ ౧౪ ॥

గవాం లక్షసహస్రాణి ముక్తిభాగీ భవేన్నరః ।
అశ్వమేధాయుతం పుణ్యం ఫలం ప్రాప్నోతి మానవః ॥ ౧౫ ॥

। ఇతి శ్రీవిష్ణుపురాణే విష్ణుశతనామస్తోత్రం సమ్పూర్ణమ్ ।